Pieter Rischmüller beter bekend as Piet Pompies, verras weer met nuwe album

Die voormalige hoofsanger van die dinamiese, skreeusnaakse groep DJ Ossewa, Pieter Rischmüller, oftewel Piet Pompies, met die bruin bolhoed, het in 2014 besluit om sy vlerke te sprei.

Hy het nuwe horisonne ontdek, nuwe avonture beleef, die wêreld aan die brand gesing, en gehore vermaak met sy voet-stamp, polsende, lyfswaai liedjies en spitsvondige, sprankelende verhoogpersoonlikheid.

Piet Pompies is nie net ’n sanger, liedjieskrywer, radiopersoonlikheid en grapkas nie, maar ook ’n uitmuntende afslaer en seremoniemeester vir alle geleenthede, boonop ’n kranige golfer ook. Hy het sy debuut as radio-aanbieder in 1996 gemaak en later ook sport kommentator, voordat hy die musiekbedryf die stryd aangesê het saam met die groep, DJ Ossewa.

Wil jy adverteer op hierdie baie gewilde webwerf? Stuur my ‘n e-pos by tersia@v.co.za , en ek sal jou vertel hoe !!


In 2014 het Piet Pompies besluit om die wêreld te verower op eie stoom, met liedjies soos Briljantjie, Lyf is soos ’n lovesong, Fynbos, Strawberry Vrou, Engeltjie, Hard to get, en Hoop. Sy eerste solo album, wat Solo heet, het in Oktober 2014 die lig gesien, en word op verskeie radiostasies reg oor die land gespeel. Sy Engelse liedjies Show me more en 3 Words word ook op radiostasies in Amerika en Australië gespeel.

Sy nuwe album wat onlangs vrygestel is onder sy regte naam, Pieter Rischmüller, beloof weer eens vars nuwe treffers. Kyk gerus uit vir nuwe liedjies soos Bring net jou sussie saam, My Harlekyn, Somertyd, Opsoek na jou, Goodbye is net vir nou, Supercalifragilistic, Kliphard vir jou geval, Kry jou Halfpad, Dis my Nommer, en vele meer.

In sy 22 jaar in die vermaaklikheidbedryf het hy al vele gewilde liedjies geskryf, en met sy nuwe album gaan hy weer verras met nog kopskuif gunstelinge. Die album is nou landwyd asook digitaal op iTunes, Spotify en Deezer beskikbaar.

Loer hier onder na sy nuwe treffer musiekvideo:- Pieter Rischmüller – My Harlekyn


SA-Radio.com
Om jou gebeurtenis, konsert of konsert te lys,
kontak SA-Radio.com

Om ons giggids te ontvang,Skryf hier in GRATIS!


Wil jy adverteer op hierdie baie gewilde webwerf? Stuur my ‘n e-pos by tersia@v.co.za , en ek sal jou vertel hoe !!


Enjoyed this post? Share it!

 

Leave a comment